Surah Al Mursalat Ayat 38 Translation Tafseer

Para 29 - تَبٰرَكَ الَّذِیْ

سورة المرسلت

Audio PDF

بِسْمِ اللّٰهِ الرَّحْمٰنِ الرَّحِیْمِ

77.38-40

هٰذَا یَوْمُ الْفَصْلِۚ-جَمَعْنٰكُمْ وَ الْاَوَّلِیْنَ(38) فَاِنْ كَانَ لَكُمْ كَیْدٌ فَكِیْدُوْنِ(39) وَیْلٌ یَّوْمَىٕذٍ لِّلْمُكَذِّبِیْنَ۠ (40)

Kanz ul Iman Kanz ul Irfan

کنزالایمان

یہ ہے فیصلہ کا دن ہم نے تمہیں جمع کیا اور سب اگلوں کو ۔ اب اگر تمہارا کوئی داؤ ں ہو تو مجھ پر چل لو۔ اس دن جھٹلانے والوں کی خرابی۔

تفسیر : ‎صراط الجنان

{هٰذَا یَوْمُ الْفَصْلِ: یہ فیصلے کا دن ہے۔} اس آیت اور اس کے بعد والی آیت کا خلاصہ یہ ہے کہ یہ قیامت کا دن جنتیوں اور جہنمیوں کے درمیان فیصلے کا دن ہے اور اے میرے حبیب محمد مُصْطَفیٰ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کو جھٹلانے والو! ہم نے تمہیں اور ان لوگوں کو جمع کر دیا جو تم سے پہلے انبیاء ِکرام عَلَیْہِمُ الصَّلٰوۃُ وَالسَّلَام کو جھٹلاتے تھے ،تمہارا اوران کا سب کا حساب کیا جائے گا اور تمہیں اور انہیں سب کو عذاب دیا جائے گا،اب اگر عذاب سے بچنے کے لئے تمہارے پاس کوئی داؤ ہو تو مجھ پر چلا لو اور کسی طرح اپنے آپ کو عذاب سے بچا سکتے ہو تو بچا لو۔ یہ انتہا درجہ کی ڈانٹ ہے کیونکہ یہ بات تو وہ بھی یقینی طور پرجانتے ہوں گے کہ نہ آج کوئی داؤ چل سکتا ہے اور نہ کوئی حیلہ کام دے سکتا ہے۔( خازن، المرسلات، تحت الآیۃ: ۳۸-۳۹، ۴ / ۳۴۵، جلالین، المرسلات، تحت الآیۃ: ۳۸-۳۹، ص۴۸۶، ملتقطاً)

{وَیْلٌ یَّوْمَىٕذٍ لِّلْمُكَذِّبِیْنَ: اس دن جھٹلانے والوں کیلئے خرابی ہے۔} یعنی قیامت کے دن ان لوگوں کے لئے خرابی ہے جو اللّٰہ تعالیٰ کی قدرت، مرنے کے بعد اٹھا ئے جانے اور قیامت کے دن جمع کئے جانے کا انکار کریں ۔( تفسیر سمرقندی، المرسلات، تحت الآیۃ: ۴۰، ۴ / ۴۳۷)

Next Ayat Prev Ayat